終於參與咗一生人第一次首映《失蹤》
相信亦都係一生人最後一次首映《失蹤》
呢個時勢，要宣傳電影似乎格格不入
自己嘅心情應該同讀者一樣唔會太開心
但始終套嘢今日正式上映，點都要支持一下！
提提大家嘅！如果唔係真係失蹤喇！
喺香港，拍電影嘅資源真係好少好少，以致水準質素都唔能夠提高
但我地睇得多外國電影或劇，自然心底裡睇會有要求
當套落港產片時自自然然就會覺得 "不了"
造成一個惡性循環，令港產片一沉不起
所以其實真係要大家多多支持港產片
好多人都會問我，究竟滿唔滿意導演今次拍嘅失蹤
我知道要將小說直接搬上大銀幕係無咩可能嘅事 (以呢個成本底下)
就係夜晚上山拍嘢已經玩死你同天文數字成本
所以編劇改我嘅故事去拍，我係歡迎
但我相信如果係我讀者追開嘅話，一定會有落差
但唔緊要，我係唔介意的
我覺得以香港電影，以一個新人導演，以一個咁嘅成本底下去拍攝
我已經好滿意
雖然我自己唔係演員 亦都唔係咩所謂出名KOL
亦都因為我無咩點浦頭所以首映無咩人識我同認得我
但開心嘅係
有一班朋友同屋企人都嚟支持，等我唔洗做毒撚企埋一邊
至少都同大家喺失蹤嘅封面底下影下相
咁樣.....我已經好滿足
人生有幾何可以出到書，又可以有一班讀者支持，又可以拍到電影
我覺得我已經超咗班......夫復何求。
我試過想包場，專同讀者睇 ，但呢家社會氣氛 好多地方都取消或危險
基於安全同交通考慮，所以好難做得到
希望套電影無咁快落畫 (無咩人睇就會落畫)
然後我可以搵到個時間 夾到自己 又配合到環境 就可以做到
所以大家有時間就去買飛入場支持下 =]
比自己入結界，好好抽離一下自己
大家得閒就幫手宣傳下 =] 例如開POST叫人支持下!O!
11月14日 《失蹤》正式上畫
Search